Errege-opila urtarrilaren 6an jaten ohi da. Espainian eta Frantzia hegoaldean
eraztun itxurako opila da, fruitu konfitatuz apaindua eta batzuetan esne-gain
edo kremaz betea. Errege-erroska edo errege-uztaia ere esaten diogu. Frantzia

iparraldean hostorezko opila da, almendra-kremaz edo txokolatez betea.

Ohikoa da barruan kutun moduko objektu txikiak sartzea. Opila jatean kutuna
aurkitzen duenak errege izendatzen da egun horretan. Tradizio berriago baten
arabera, kutuna aurkitzen duenak ordaindu egin behar du opila.

Errege-opil goxo bat prestatu nahi duzu?

Errege eguna gerturatzen ari dela eta, hona hemen errezeta interesgarri bat:

PROZEDURA:

1. Lehenbizi, legamia 4 esne koilarakadekin nahastu, ondo eragin nahasketa.

Ondoren, 100g irin gehitu eta nahastu dena berriz ere ore bat sortu arte.

2. Beste ontzi batean gainontzeko irina (300g) ipini. Erdian tarte bat egin,

hiru arrautza , azukrea, esnea, azahar ura eta limoi birrindua gehituz.

3. Aurrekoa ondo oratu, ore fin bat sortu arte.

4. Ore fin bat lortu ostean, gurina gehitu.

5. Hau guztia egina duzunean, utzi orea jalkitzen bi orduz gutxienez.

6. Ondoren, berriro ere oratu baina oraingo honetan errege-opilaren

itxura emanez.

7. Labera sartu aurretik opilaren gainean fruitu konfitatua ipini eta orearen

artean baba bat (edo egoki ikusten duzuna) sartu.

8. Jada berotua egongo den labean, sartu errege-opila eta mantendu

bertan 20 minutuz 160 gradura.

On egin eta zeuen etxeetan zelan egiten duzue? Kutuna tokatzen zaiona

ordaintzen du edo erregea da?