2016/03/11

ASIER LOROÑO:

Martxoaren 9an, Lauroko hitzaldira, gure laguna Naroaren aita etorri zen, Asier Loroño musikaria.

Lehenik historia apur bat azaldu zuen: nor zen bere aita (Josu Loroño) orkestra bat egin zuela, mundu osotik bidaiatu zuela BAOSekin (Bilboko Akordeoi Orkestra Sinfonikoa)... Gero bere familia kideak nor ziren ere azaldu zuen argazki batzuekin.

Ondoren akordeoiarekin, haren historia azaldu zuen: Txinatik zetorrela, Europan sortua 1829. urtean eta hainbat herritara joanda, Euskal Herrira etorri zaigun trikitixaren soinua eta toki bakoitzeko musika adibideak interpretatu zituen... Akordeoia nola funtzionatzen duen eta haren atalak azaldu zituen ere. Baita armonia eta soinua egiteko behar dena ere.

Azkenik, ikasleek egindako galderei erantzuten amaitu zuen berbaldia eta denok txalo zaparrada eskaini genion Asierri.


No hay comentarios:

Publicar un comentario